Chole Bhature

Monsters in the Sky

2011-10-07T15:34:00.000-07:00

yes its true

I swear its true

I know why the sky,

that's so very blue!

turns black at night,

with an evil hue!

It's the million monsters,

flying high in the air,

with scary faces,

and dark, flowing hair!

the twinkling stars

are their glowing eyes,

peering down,

from the high skies!

thru the night they fly!

scaring the birds,

making them cry!

yes its true

I swear its true

tell your sister,

tell your brother,

more so,

in the month of October,

to be clever,

and never ever!

without a light

to go out,

in the night!

and by your mother's side

you better stay!

else a monster may,

on a scary ride,

take you away!

and its’ million friends,

in the sky,

will join the flight,

to multiply,

your monster fright!

I will leave you now,

with an idea that’s bright

on a chilly October night,

just read a book,

and sleep tight,

and I promise,

you’ll be alright!

but yes its true

I swear its true

I know why the sky,

that's so very blue

turns black at night,

with an evil hue!

Paan ki Dukaan

2010-07-26T21:36:00.000-07:00

'Paan Ki Dukaan'

Mera Bharat Mahaan

Sasural ka badiya jal-paan,
Phir bana aik Cigarette ka plan

Mausam accha tha,
Monsoon le aaya tha,
Kareeb 32 pe taapmaan,
2 gali chod ke hi mili,
Aik paan ki dukaan

Socha koi nahin dekhega,
Sab hain yahan anjaan,
Par phir bhi tha hoshiyar,
Kahin koi na le pehchaan!

Paan wale bhaiyya the,
Thodi uchaai pe virajmaan

Dheemi si thi Radio pe,
Chidi puraani koi taan,
Layi man mein muskaan

40 Watt ki maddham roshni ne,
Kiya chupna zara aasan!

Phir maachis ki nishulk suvidha,
Aur matr aik Cigarette kharidne ka,
Kitna accha hai pravdhaan!
Jeb mein nahin rehta koi pramaan!!

Ant mein 'Center Fresh' mitaa daale,
'Bad Breath' ke saare nishaan

Mera Bharat Mahaan!

Ghar laut ke sabko diya aik meetha paan,
Par sab the hairaan,
Raat ke 11 baje,
Kahan the shreemaan?

Biwi bhi thi pareshaan,
Shayad laga liya tha anumaan,
Main thoda sa ghabraya
Par chehra rakhe aik samaan,
Khada raha saavdhaan!

Abhi soch hi raha tha,
Kya karun samadhaan!

Tabhi 'Aaj Tak' par,
Zor se chillaya aik insaan:

"Samaaj mein aayi aur giravat!
Ab dudh mein bhi milavat!
Billi ne dudh peete hi tyag diye praan!
Kya yehi hai Mera Bharat Mahaan?"

Taaza Khabron ne badla dhyan
Aik baar phir bachi jaan
Enjoy kiya phir meetha paan!

Mera Bharat Mahaan!

Dopehar Ki Neend

2010-02-28T00:00:00.001-08:00

Dopehar ki neend ka,
Maza kuch aur hai!
Par biwi ke chehre pe,
Gusse ka zor hai!
Aur har ek kamre mein,
Bacchon ka shor hai..

Bacche bole,
‘Wake up dad,
This ain't fair, this is bad!’

Biwi boli,
‘Hey Bhagwan!
Kitna sota yeh insaan!’

‘Bahar dekho kya mausam,
Par isko jane kya gham!
Your dad is such a lazy bum!!’

‘Sambhalo apne aap ko,
Do bacchon ke baap ho!
Is umr mein bigad gaye ho,
Beer pi ke pad gaye ho!
Bistar mein jaise gad gaye ho!!’

Main bola,
‘Kyun itna koste ho!
Mere barey mein,
Zaraa nahin sochte ho!’

‘Yun hi nahin churai hai!,
Pura hafta mehnat karke,
Maine neend kamai hai!’

Phir bhi na mil paya pyar,
Jaari rakhi gayi phatkar..

‘Kya Kaha? Neend Kamai hai?
Nahin sunani koi safai hai!

Pura hafta ji bhar kar,
In donon bacchon ne milkar,
Mujhko kitna Stress diya
Tab batao kahan the gayab?
Bas Boss ko Impress kiya?

Monday to Friday is ghar mein,
Tumhara kya Contribution hai?
Job aur Family ke balance ka,
Yeh kaisa Distribution hai?

Abhi pade hain kitne kaam,
Bas aati hi hogi shaam!

Sale lagi hai charon aur,
Khaali ho jayenge Store!

Great Mall mein lag gaya jaam,
Macy's mein bhi ghat gaye daam!

Mall mein pehle shopping kar,
Phir jana hai humko Picture!’

Bas phir nahin so paya aur,
Toot gayi sapnon ki dor!

Ghar se mujhko kheench nikala,
Push karke gaadi mein dala

‘Kuch naya nahin kiya Explore,
Pura weekend ho gaye Bore!’
Yun hi gilon-shikwon ka,
Der tak chalta raha daur!
Lagataar Complaints ka,
Hota raha Downpour!

Sunte sunte ho gayi shaam,
Khatm nahin hue ilzaam!
Jaisa hota hai har baar,
Ant mein maine maani haar

‘Phir nahin sounga bhari dopehar,
Chup karta hun itna kehkar:

Ghar ki malkin aap sahi,
Main do bacchon ka baap sahi!
Par mere acche bure hone ka,
Yeh to koi maap nahin!
Sona koi paap nahin!’

‘Dopehar ki neend ka jo jhonka hai,
Na khone wala mauka hai!
Kya tumhein kabhie toka hai?
Jee bhar ke so lene se,
Kya maine tumhein roka hai?’

‘Jab aayi mere sone ki baari
Kyun tumko lagti hai bhaari?’

Baat dil ko kar gayi Touch,
Biwi maani kya hai sach!

Phir shopping hui,
Khush ho gayi Wife,
Phir ghume Circle of Life!

Shopping bags ko neeche rakh kar,
Mujh ko apni aur kheench kar,
Yeh keh kar gaal pe Kiss kiya:
‘Tum kya janon pura hafta,
Tum ko kitna Miss kiya!’

Phir dekhi ek desi Picture,
Madras Café mein hua Dinner,
Weekend ko kaha Goodbye,
Monday “Mourning” ko boli “Hai”!
Ghar se bhaage bas pi kar chai,
E-mail mein aaya tha “greeting”:
“8 AM: Status Meeting!”

Ab soch raha hun Job chod ke,
Naya shuru karun koi kaam,
Jaise, kapdon ki dukaan,
Sounga phir chadar taan!
Bas wahi hai aisa dhandha,
Dopehar ko jo hota hai mandaa!

-AT
2/21/2009